आइतवार ७ हजार ३६८ जनामा कोरोना भाइरसको संक्रमण पुष्टि

२ जेठ,काठमाण्डौं । पछिल्लो २४ घण्टामा कोरोना भाइरसको संक्रमण बाट देशभर थप ७ हजार ३६८ जनामा कोरोना भाइरसको संक्रमण पुष्टि भएको छ ।
देशभरका बिभिन्न प्रयोगशालामा भएको १९ हजार ५३९ नमुनाको पिसिआर परिक्षणमा ७ हजार ३१६ तथा ३४४ जनाको एन्टिजेन परिक्षणका क्रममा ५२ जना गरी  आइतवार  ७ हजार ३६८ जनामा कोरोना भाइरसको संक्रमण पुष्टि भएको छ । जसमा १४५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । 
यसअघि शनिवार देशभर ८ हजार १६७ जनामा संक्रमण पुष्टि भएको थियो भने १८७ जनाको मृत्यु भएको थियो । 
हाल सम्म  देशभर १ लाख १० हजार २६३ जना सक्रिय संक्रमित रहेका छन् । 
तीमध्ये पछिल्लो २४ घण्टामा ६ हजार ६४८  जना निको भएका छन् ।
काठमाडौं उपत्यका भित्र काठमाडौंमा १ हजार ८८१,ललितपुरमा ४३६ र भक्तपुरमा २९२ गरी जम्मा २ हजार ६०९ जनामा संक्रमण पुष्टि भएको स्वास्थ्य मन्त्रालयले जानकारी दिएको छ ।

---