उपत्यकामा निषेधाज्ञा केहि खुकुलो : बार तोकेर ब्यवसाय संचालन गर्न दिने निर्णय

काठमाण्डौं । काठमाण्डौ,भक्तपुर र ललितपुर तिन वटै जिल्लाका प्रमुख जिल्ला अधिकारीहरुको आइतवार बसेको संयुक्त बैठकले ७ दिनका लागी जारी निषेधाज्ञामा केहि परिवर्तन गर्ने निर्णय गरेको छ ।
बैठकले अब असार ८ गते बाट लागु  हुने गरी  बारको आधारमा पसल खोल्न दिने निर्णय गरेका छन् । आइतबार, मंगलबार र बिहिबार  सुन पसल, भाँडा भान्सा, विद्युतिय सामग्री, अटोमोबाइल शो रुम, मोटस पार्टस र इलेक्टोनिक्स सामग्री र कम्युटर पसल खोल्न पाइन्छ । सोमबार र बुधवार र शुक्रवार डिपार्टमेन्टल स्टोर, सपिङ मल खेलकुद सामग्री, कस्मेटिक साडी, गिफ्ट आइटम र कपडा पसल खोल्न दिने निर्णय गरिएको छ । 
बारअनुसार खुल्ने पसल बिहान ११ बजेबाट ४ बजेसम्म मात्र खोल्न पाइन्छ किराना, खाद्यान्न र स्टेशनरी पसलको हकमा पुरानै निर्णय कायम गरिएको छ । जेठ ३० गते स्थानीय प्रशासनले असार १ बाट लागू हुनेगरी किराना र स्टेशनरी पसल बिहान ११ बजेसम्म खोल्न दिने निर्णय गरेको थियो । सो निर्णयमा हेरफेर गरिएको छैन ।
निजी सवारीलाई जोर(बिजोरअनुसार चल्न दिइने बताइएकोछ भने ट्याक्सीहरूलाई पनि जोर(बिजोर लागू गरेर चलाउन दिइनेछ। 
अब काठमाडौं उपत्यकामा असार १४ गतेसम्म निषेधाज्ञा हुने भएको छ। 

 

---