क्रोयसिया लाई ४–२ ले पराजित गर्दै फ्रान्स बन्यो बिश्वकप बिजेता

३१,असार,काठमाण्डौ । आइतवार भएको बिश्वकप फुटवल फाइनल खेलमा क्रोयसिया लाई ४–२ को अन्तर ले हराउदै फ्रान्सले दोस्रो पटक बिश्वकप फुटवलको उपाधि जितेको छ । 
मारिया माड्जुकीले १८ औं मिनेटमा आत्मघाती गोल गरेपछि खेलमा फ्रान्सले सुरुवाती अग्रता लिएको थियो । क्रोएशियाबाट इभान पेरिसिकले २८ औं मिनेटमा बराबरी गोल फर्काएका थिए । क्रोएसियाले खेल बराबरीमा ल्याएको १० मिनेटमै फेरि फ्रान्सले पेनाल्टी पायो र अग्रता लिने मौका पायो फ्रान्सबाट एन्टोनियो ग्रिजम्यानले पेनाल्टीमार्फत गोल गरे । रेफ्रीले भिडियो असिस्टेन्ट रेफ्री ९भीएआर० को सहायताले पेनाल्टीको निर्णय गरेका थिए ।
दोस्रो हाफमा बलमाथि क्रोएसियाले बढी नियन्त्रण गरे पनि फ्रान्सले आफुले पाएको अवसर सदुपयोग गर्दा  फ्रान्सका लागि ५९ औं मिनेटमा पाउल पोग्वा र ६५ औं मिनेटमा केलियन एम्बाप्पेले गोल थपे पश्चात फ्रान्स ४–१ ले अगाडी पर्न सफल भयो । 
क्रोएसियाका लागि सान्त्वना गोल मारियो मान्जुकिजले ६९ औं मिनेटमा गरे पश्चात ४–२ को स्थिती बनाउन सफल भयो ।
पहिलो पटक फाइनल पुगेको टिम क्रोएसियाले बलमाथि धेरै नियन्त्रण राखे पनि गोल गर्न नसक्दा हार व्यहोर्न पुग्यो । पहिलो  पटक विश्वकप फुटबलको फाइनलमा पुगेको क्रोएशिया र पूर्व विश्वविजेता फ्रान्सबीचको फाइनल खेल निक्कै नै रोमाञ्चक हुन पुग्यो।
फ्रान्सले सन् १९९८ मा आफ्नै घरेलु मैदानमा ब्राजिललाई हराउँदै  पहिलो पटक विश्वकप उचालेको थियो। दोश्रो पटक विश्वकप उचाल्न उसलाई २० वर्ष लाग्यो। 

 

---