रामग्राममा नेपाली कांग्रेसको घरदैलो कार्यक्रम

असार ०७, नवलपरासी 
रामग्राम नगरपालिकाको नेपाली कांग्रेसका मेयर पदका उम्मेदवार नरेन्द्र कुमार गुप्ता र उपमेयरका उम्मदेवार रम्भा कुँवरले १४, १५, १६ र १८ नं वडामा घरदैलो गरेका छन् । उम्मेदवार गुप्ताले मतदाताहरुसंग आफनो विकासका एजेण्डा बताउदै मत मागेका छन् । रामग्राममा कांग्रेसका मेयर गुप्ता र उपमेयर कुँवर दुबै बलियो उम्मेदारको रुपमा लिइएका छन् ।
                        मेयरका उम्मेदवार नरेन्द्र गुप्ता रामग्राम नगरपालिकामा निर्वाचति भएपछि आफनो तलब भत्ता सामाजिक काममा लगाउने उदघोष गरेका छन् । उम्मेदवार गुप्ताले नगरलाइ स्मार्ट सिटी बनाउने लक्ष्य लिएका छन् । सुविधा सम्पन्न नगर बनाउन गुप्ताको पहिलो एजेण्डा रहेको छ । गुप्ताले नगरमा विकास निर्माण, शिक्षा, स्वास्थय, खानेपानी, सिंचाई, कृषि, पर्यटन, गरिबी निवारण लगायतका एजेण्डालाई पनि अगाडी सारेका छन् । गुप्ताले भने, म निर्वाचित भएपछि एक घर एक रोजगार सृजना गर्नेछु । उनले भने, महिलाहरुलाई विशेष ध्यानमा राखी महिलाहरुलाई आर्थिक रुपमा समृद्ध महिलाको हरुको समुह गठन गरि लघु उद्यमको विकास गर्ने कुरा बताउछन् ।

 

---